23/12/17

O NADAL NO IES CARLOS CASARES

Como non podía ser doutro, o pergamiño Vindel e o Nadal medieval na cidade de Vigo estivo presente na decoración.
Unha vidreira, realizada polo alumnado de 1º de Bacharelatol,  ilustra as cantigas de Martín Códax; os pergamiños, realizados  polo alumnado de 1º de ESO, dan conta de historias e lendas ao redor de Vigo, da figura de Martín Códax, da amiga ou do monumento de A fada e o dragón, e a famosa oliveira que se comezou a cultivar durante o século XIII na cidade de Vigo e que a fixo coñecida como Vigo, a cidade olívica. 
Como agasallo de Nadal, o equipo de redacción da revista Mandacarallo realizou chapas felicitando as festas e repartiunas entre todo o alumnado. 





PASEO LITERARIO CARLOS CASARES


Por fin inauguramos o Paseo Literario dedicado a Carlos Casares. Na inauguración das placas estivo presente o alcalde de Vigo: Abel Caballero, a concelleira de Normalización: Uxía e o secretario da Fundación Carlos Casares: Gustavo A. Garrido.. 
Con este acto, finalizamos o ano Casares. 
Moitas grazas a todos e todas os que fixeron posible realizar todas as actividades relacionadas co escritor homenaxeado nas Letras Galegas, 2017. 





DÍA DA CIENCIA EN GALEGO







Co gallo da celebración do Día da Ciencia en galego, o alumnado de 1º de ESO A tivo a oportunidade de observar como o alumnado de 3º de ESO B realizaba unha serie de experimentos no laboratorio de química do instituto. 
Os experimentos consistían en observar as diversas reaccións químicas que se producen ao xuntar diferentes elementos.
De entre todos eles, os que máis nos chamaron a atención son os que a continuación vou detallar.
Un dos momentos máis interesantes produciuse cunha explosión controlada que resultou da mestura dos seguintes elementos: dióxido de carbono, colorante e vinagre.
Outra demostración sorprendente consistiu na queima dunha cinta de magnesio cun chisqueiro, causando unha chama luminosa de cor branca e obtendo unhas cinzas que dan como resultado óxido de magnesio.
E para rematar, o momento máis divertido foi cando fixeron unha lámpada de lava caseira, que, para os máis aforradores, será moi útil. Por se alguén a necesita, velaquí a explicación:
necesitaremos auga, colorante e aceite (para os máis exquisitos que sexa virxe extra) e un comprimido efervescente (eses que tanto nos gustan cando estamos arrefriados). Introducimos todo, seguindo a orde anterior e mesturámos todos os compoñentes descritos.  Agardamos un intre e… maxia!, xa podemos gozar da nosa relaxante lámpada caseira.
E así demos por concluído o noso Día da Ciencia en galego, agardando vindeiras conmemoracións para ver os que nos ensinan os maiores do instituto. 


Saúl Costa.

COÑECENDO A RADIO GALEGA

Recibimos a visita de Carlos Tresandí, alumno do IES Carlos Casares, antigo Instituto do Meixueiro, dende setembro do ano 1991 ata xuño de 1995.
Comezou a súa andaina no mundo do audivisual, en concreto na radio, cunha emisión que se facía dende o IES Ricardo Mella. Formou parte do Consello de Redacción da Revista Manda Carallo dende o primeiro ano en que entrou no instituto, en 1991.
A súa vida percorreu diferentes vieiros ata desembarcar no que a el realmente lle gustaba e o motivaba: a radio e o humor. 
Na actualidade colabora en varios programas da Radio Galega: Somos quen, xunto con María Xosé Rodríguez, en Galicia en goles e dirixe e presenta o programa humorístico E por que non?, tamén na Radio Galega.
O noso actual consello de redacción da revista Mandacarallo agradeceu enormemente esta lección de vida que lles deu Carlos Tresandí.
Un orgullo para nós contar cunha persoa que é, coma quen di, da casa.