OBRADOIRO: CREMA HIDRATANTE

O pasado martes 10 de novembro, os alumnos e alumnas dos grupos 4º D e 3º B, tivemos a oportunidade de participar nun obradoiro didáctico: aprendéronnos a preparar unha crema hidratante dun modo sinxelo, e empregando material e compoñentes fáciles de atopar. Deste xeito poderiamos facela na nosa casa sen dificultades.

Reunímonos no laboratorio de Química e unha persoa explicounos paso a paso a preparación. Pasounos voando o tempo xa que a charla foi moi entretida.

 

Para quen lle poida interesar deseguido indicamos a receita, os ingredientes a proporción destes:

INGREDENTES:

70 % de FASE ACUOSA (H₂O, infusión)

25 % de FASE OLEOSA (aceite de oliva enriquecido con caléndula )

5% EMULXENTE (cera de abellas)

PROCEDEMENTO:

1º Medir e pesar as cantidades necesarias

2º Nun recipiente bótase a auga e noutro o emulxente con cera de abella e quéntase a baño maría (temperatura non superior a 60 ºC)

3º Mestúranse a fase acuosa e a fase oleosa e engádenselle unhas pingas de aceite esencial de cítricos para que teña a crema un olor rico

4º Bátese devagar a mestura co batedor ao mesmo tempo que se enfría nun baño de auga.

5ºAo espesar a crema, pásase a un recipiente, péchase e xa está lista para ser usada.

Texto escrito por: Pilar Pazos e o alumnado de 4º ESO D